Funn av mistenkeleg gjenstand i Bergen – bombegruppe kalla inn for bistand

Klokka 01.28 natt til sundag fekk politiet melding om ei mistenkeleg gjenstand som var plassert i ein fotgjengartunnel under E39 ved Hopsbukta i Bergen. Patrulje rykte raskt ut, lokaliserte gjenstanden og sperra av området.

Ifølgje politiet kan gjenstanden innebere ein risiko ved handtering, og det er derfor bede om bistand frå nasjonale bistandsressursar for vidare handsaming.

– Ei bombegruppe frå Oslo er på veg, og skal vere på plass i løpet av formiddagen, seier operasjonsleiar Ingrid Teigland Teppstad.

Politiet understrekar at gjenstanden slik den står no ikkje utgjer nokon fare for publikum eller mannskap. Det blir halde vakthald på staden fram til situasjonen er avklart.

Hendinga påverkar ikkje trafikken på E39, men eit nærliggande busstopp er mellombels stengd. Busselskap er varsla om endringa.

Politiet vil etterforske forholdet vidare.