Dei fleste områda i Vestland har framleis oransje farevarsel for snøskred. Gjennom helga har varselet blitt oppgradert i fleire område frå gult til oransje. Områda som no har faregrad 3 er Indre Fjordane, Jotunheimen, Indre Sogn, Hardanger og Voss. Vurderinga er at ferske fokksnøflak kan vere lette å løyse ut medan vêret står på. Naturleg utløyste skred kan ikkje utelukkast første del av døgnet. Der sola kjem fram, kan det gi fare for naturleg utløyste skred i bratte solsider. I lågare terreng er skredfaren vurdert som lågare.
