ستانکزی: ۱۹ تنه د نشه يي موادو قاچاقوړونکي او پلورونکي نیول شوي
د کابل د امنیې قوماندانۍ ویاند حشمت ستانکزي د چهارشنبې په ورځ ازادي راډیو ته وویل، په دوو لومړیو پېښو کې درې کسان هغه مهال پولیسو ونیول چې غوښتل یې ۲۲ کیلو ګرامه تاریاک په جلا جلا توګه د کابل ولایت کاریزمیر سیمې ته قاچاق کړي.
نوموړي وویل:
"ّ په تېره یوه اوونۍ کې د کابل ښار په بېلا بېلو سیمو کې (۱۶) کسان د نشه يي موادو د قاچاقو په تور نیول شوي چې د ټابلېټ کا په ګډون یې څو کیلو ګرامه نشه يي مواد هم ورسره نیول شوي دي."
په څو نورو پېښو کې د کابل ۱۰۱ اسمايي زون پولیسو د اختر په ورځو کې د ښار په بېلا بېلو ناحیو کې د نشه يي موادو څو خرڅوونکي نیولي او د نورو څېړنو لپاره یې عدلي او قضايي ادارو ته سپارلي دي.