په کابل کې هند ته د قاچاق کېدونکو هېروئینو مخه نیول شوې
په هغه خبرپاڼه کې چې د حامد کرزي هوايي ډګر سرحدي پولیسو رسینو ته لېږلې، راغلي چې د حامد کرزي د هوايي ډګر پولیسو درې تنه قاچاق کوونکي نیولي، دوی غوښتل چې په خپلو خېټو او سفري بکسونو کې نېږدې ۳ کیلو ګرامه هیروئين هند ته قاچاق کړي.
خبرپاڼه زیاتوي چې په دې وروستیو کې د بهرنیو روزونکو له خوا د مسلکي پرسونل د روزلو او پرمختللو وسائلو له دوی سره مرسته کړې چې د قاچاق کوونکو مخه ونيسي.