په سعودي کې د عالمانو غونډې د افغانستان روانه جګړه ناروا بللې
په دې اعلامیه کې د افغانستان روانه جګړه ناروا بلل شوې ده.
دغهراز د کنفرانس ګډونوالو په دې اعلامیه کې پر وسلهوالو طالبانو او افغان حکومت غږ کړی چې سولې ته سره کېني او هم له اسلامي هېوادونو غوښتنه شوې چې په دې برخه کې له افغانستان سره مرسته وکړي.
د ۴۳ اسلامي هېوادونو د شااوخوا ۱۱۰ دیني عالمانو غونډه پرون سې شنبه په جده ښار کې پیل شوه او نن چهارشنبه دوهمه ورځیې په مکه مکرمه کې وه.
افغان ولسمشر اشرف غني په پرونۍ غونډه کې د دغو عالمانو د هغې پرېکړې هرکلی کړی چې په افغانستان کې یې جګړه فتنه وبلله او ویېویل چې دغې جګړې خپل مشروعیت له لاسه ورکړی دی.
په پرونۍ غونډه کې د کعبې شریفې امام ویلي وو چې د افغانستان وضعيت نور د زغملو نهدی او باید دغلته جګړه ژر تر ژره ودرول شي.