په غزني کې د داعش د جلب او جذب مسؤل ملا ادریس نیول شوی
د دغه ولایت د امنیه قوماندانۍ څخه ازادي راډيو ته په را استولې خبرپاڼه کې راغلي چې نیول شوی کس ملا ادریس نومېږي چې د ننګرهار ولایت د چپرهار ولسوالۍ څخه غزني ولایت ته د داعش لیکو ته د ځوانانو د جلب او جذب په هدف راغلی و چې د افغان امنیتي ځواکونو لخوا ونیول شو.
خبرپاڼه زیاتوي چې نیول شوي کس خپله اقرار کړی چې د افغانسان په زیات شمېر ولایتونو کې ځوانان د داعش ډلې ته جلب کړي.
دا په داسې حال کې ده چې له دې وړاندۍ راپورنه ورکول شوي وه چې د دغه ولایت په یوشمېر ولسواليو کې د اعش ډلې خپلې تبلیغاتي پاڼې خپرې کړې وې.