د الاسد ځواکونه به اسرائیل سره پر پوله پر پرتو سیمو ولکه ټینګه کړي

تمه کېږي چې د سوريې د ولسمشر بشار الاسد ځواکونه له اسرائیل سره پر پوله پرتې سیمې بېرته په خپل کنټرول کې واخلي.


له روسيې سره په خبرو اترو کې د اسد د حکومت وسله‎والو مخالفینو موافقه کړې چې په‎دې سیمه کې به وسلې پر ځمکه ږدي او د سوريې پوځ ته تسلیمیږي.


د اسرائیل تر واک لاندې د جولان لوړو ته نېږدې سیمه د سوريې د حکومت د وسله‎والو مخالفینو وروستی مرکز بلل کېږي.


داسې ښکاري چې دا تحول پر سرحدي سیمو د سوريې د حکومتي ځواکونو د کنټرول د برحاله کولو کولو او له دغو سیمو څخه د ایراني پلوه ملېشو د لېرې کولو لپاره د روسيې د لوی پلان برخه ده.


اسرائیل او امریکا دواړو له روسيې غوښتي دي چې په سوریه کې له هغو سیمو ایراني پلوه ملېشې لېري کړي چې له اسرائیل سره پر پوله پرتې دي.


د سوريې په کورنۍ جګړه کې تر اوسه پورې ۴ لکه کسان وژل شوي دي.