ایران: که واشنګټن د تېلو مخه ونیسي تهران به ورته عمل وکړي
د ایران د بهرنیو چارو وزارت ویاند بهرام قاسمي وايي، که امریکا په دې برخه کې جدي ګام پورته کړي، د ده په خبره له شک پرته د ایران له غبرګون او باالمثل عمل سره مخ کېږي.
امریکا یو شمېر هېوادونو ته ویلي چې د نومبر له میاشتې دې له ایرانه د تېلو اخیستل بند کړي که نه له سختو عواقبو سره به مخ شي.
دا ګواښ وروسته له هغه شوی چې د امریکا ولسمشر ډونالد ټرمپ تېره مې میاشت له ایران سره د نړۍ د اټمي قدرتونو له اټمي موافقې د امریکا وتل اعلان کړل او پر ایرانیې بندیزونه ولګول.
د ایران مشر ایتالله علي خامنهاي د ایران د ولسمشر حسن روحاني له دې وړاندیزه چې ښايي د فارس خلیج د تېلو د صادراتو مخه ونیسي ملاتړ کړی دی.