په پنجشیر کې یو تن د نشه يي موادو د قاچاق په تور ونیول شوی
په هغه خبرپاڼه کې چې د شمشاد ۲۰۲ زون قوماندانۍ د مطبوعاتي دفتر له خوا رسنیو ته لېږل شوې راغلي چې د پنجشیر پولیسو د سې شنبې په ورځ د تلاشۍ پر مهال شپږ نیم کېلو ګرامه چرس په داسې حال کې ونیول چې د موټر په واسطه له دې ولایت څخه ګاونډي ولایت ته قاچاق کېدل.
د یادونې وړ ده چې په تېرو دوو اوونیو کې دا دوهم ځل دی چې له پنجشیر څخه په لسګونو کېلو ګرامه چرس د قاچاقو پر مهال نیول کېږي.