د اګست پر ۲۰مه لسګونه نرښځیو په پېښور کې د خبریالانو مرکز مخې ته مظاهره وکړه او له حکومته یې غوښتنه وکړه چې د دوی د یوې ملګرې وژونکو ته دې سزا ورکړي. دوی ویل چې ملګرې یې نازو نومېده او تېره اوونۍ په پېښور کې د کور دننه وژل شوې وه. پولیس وايي، د نازو په وژنه یې دوه کسان نیولي دي چې جرم یې هم منلی. د خیبر پښتونخوا د نرښځیانو ټولنه وايي، له ۲۰۱۵ز کال راهیسې یې په صوبه کې ۶۲ ملګري وژل شوي دي. ویډیو وګورئ.
