ملي امنیت د غزني د پوهنتون د یوه محصل په ګډون ۱۵ وسله وال نیولي
عبدالصمد شمس نن دوشنبه د ملي امنیت په ریاست کې خبریالانو ته وویل، دغو کسانو چې خبریالانو ته یې ښکاره کړل، په غزني ولایت کې د وسله والو طالبانو له بېلابېلو ګروپونو سره یې تړاو درلود.
د غزني د ملي امنیت د ادارې رئیس له طالبانو سره په تړاو د شریعاتو د پوهنځي د یوه محصل او څو نورو د نیولو خبر داسې مهال ورکوي چې د افغانستان د ملي امنیت ادارې په دې وروستیو کې له داعش سره د همکارۍ په تور د کابل پوهنتون د شریعاتو د پوهنځي د درېیو استادانو او دوو محصلینو د نیول کېدو خبر ورکړ.