افغان ولسمشر د ٢٧ اداري واحدونو لپاره د کمپلکس د بنسټ ډبره کېښوده
محمد اشرف غني نن د دغه کمپلکس د بنسټ ډبرې تر ايښودلو وروسته په ارګ کې يوې غونډې ته وويل، د هرې ودانۍ پر ډيزاين تر دوو کلونو پورې زيات وخت کار شوى دى.
ده زیاته کړه: دوه نیم کاله مو له شرکت سره پر دې کار وکړ چې څه باید چېرته وي، په پایله کې د کابل د راتلونکي لپاره په شپږو جلدونو کې یو واضح لیدلوری رامنځته شو چې ان شاالله راتلونکي څلورسوه کاله به کابل ته جهت ورکړي، د دغه کمپلکس د هر یو تعمیر ډیزاین له یوه تر دوه نیمو کلونو وخت نیولی دى.
د ښار جوړونې وزارت ويلي چې دغه اداري واحدونه به پر ١٠٠ هکټاره ځمکه جوړ شي.
دا معلومه نه ده چې د دولتي ودانيو دغه کمپلکس به په څومره وخت کې جوړ او د استفادې وړ شي.