د خوست په ګلان کیمپ کې وزیرستانیو کډوالو په یوه غونډه کې غوښتنه وکړه چې په شمالي او جنوبي وزیرستان کې دې د پاکستان پوځ پر خلکو له ظلم او زورزیاتي لاس واخلي. د غونډې ګډونوالو د پښتون ژغورنې غورځنګ د نیول شویو مشرانو د خوشې کولو د ضمانتونو پر منظورۍ خوښي څرګنده کړه خو غوښتنه يې وکړه چې د خړ کمر پيښه دې په اساسي ډول وڅيړل شي. بلخوا د پاکستان پوځ په وزيرستان کې د زوز زياتي تورونه په وار وار رد کړي دي. نور حال د مشال راډيو خبريال نجیب الله الوخېل په ویډیويي راپور کې.
