په چين کې د دې هېواد نوی کال د ۲۰۲۱ز کال د فېبرورۍ پر ۱۲مه پيل شو خو د نوي کال يا سپرلي مېلې لمانځغونډې د فېبرورۍ په ۱۱مه په ژوندۍ بڼه پر ټېليويژن او ټولنيزو رسنيو څه باندې يو ارب او ۲۷ کروړه خلکو وليدې. بلخوا د مېلې ژوندۍ خپرونه او ځينې ويډيويې ټوټې يې په ټولو رسنيو کې څه کم پينځه اربه ځله کتل شوي دي. دا په داسې حال کې ده چې په چين کې رامنځته شوي کورونا وايرس په لکونه خلک وژلي او د وبا د مخنيوي په خاطر د ټولبند له کبله د ډېری خلکو کاروبارونه ولاړ دي.
