د هند د سندربولې مرغۍ په نامه پېژندل شوې لتا منګېشکر د فبرورۍ پر شپږمه د ۹۲ کلونو په عمر ومړه. هغه لسګونه زره سندرې ویلي دي چې پکې یې تر ۱۵۰۰۰ زیاتې یوازې په سټوډیو کې رېکارډ کړې دي او تقریباً همدومره نورې یې نارېکارډ کړې پرېښودې. له پيغلتوبه د موسیقۍ له پيل راهیسې تر تېر کال پورې، لتا منګیشکر په ۳۶ هنديو ژبو سندرې وويلې. نوموړې ته د هغې د بې ساري هنري کار له امله ګڼې لویې هندي او نړيوالې جایزې هم ورکړل شوې دي. د رويټرز خبري اژانس ویډیويي رپورټ.
