په اسلامیه کالج پوهنتون کې د استادانو کاربندیز دوام لري
د پېښور په تاریخي اسلاميه کالج پوهنتون کې د ښوونکو احتجاجي کاربندیز روان دی چې له وجې یې د زده کوونکو زده کړې اغېزمنې شوې دي. استادان د فبرورۍ له ۱۵مې راهیسې په احتجاج دي او وايي، په تنخاګانو کې تر اضافې پورې کاربندیز نه ختموي. د اسلامیه کالج پوهنتون زده کوونکو هم د فیسونو د زیاتېدو ضد او له استادانو سره د یووالي په موخه احتجاج پیل کړی. خو د پوهنتون مشر وايي، د استادانو لپاره یې غونډې ورغوښتې دي ځکه چې د کاربندیز له وجې تعلیمي بهیر اغېزمنېږي. د خیبر پښتونخوا حکومت د ښوونکو د غوښتنو په غبرګون څه نه دي ویلي خو په تېرو وختونو کې یې ژمنه کړې وه چې د هغوی تنخاګانې به زیاتې کړي. ویډیويي رپورټ.
