په هارون باچا هنري ګړۍ کې دا اوونۍ سندرغاړې شانزا علي خان مېلمنه ده. نوموړې په تېرو څو کلونو کې پښتو موسیقۍ ته ډېر کار کړی دی. هغه په نوې موسیقۍ کې سندرې وايي، خو لهجه یې سوچه پښتو ده او هڅه کوي چې شاعري هم داسې انتخاب کړي چې خلک په پوهېږي، هم ځکه يې په لږ وخت کې زیات مینه وال پیدا کړي دي. شانزا علي خان اصلا د پېښور ده خو ژوند یې په اسلام اباد کې کړی، اوس هم هلته ژوند کوي او د موسیقۍ ترڅنګ یې په انګلیسي ادبیاتو کې ماسټري هم کړې ده.
