افضل خاموش وايي، پښتانه مشران بايد خپلمنځې اختلافات ختم کړي
"د مشال مرکه" کې دا ځل د مزدور کسان پارټۍ مشر افضل خاموش ميلمه دی. نوموړي له ۷۰مې لسيزې راهېسي د پاکستان په سياست کې فعال رول لوبوي او په همدي موده کې يې د پاکستان مزدور کسان پارټۍ بنسټ اېښی وو. دې ګوند په ۲۰۲۱ز کال کې په چارسده کې د پښتنو جرګه رابللې وه او د ۲۰۲۲ز کال په مارچ مياشت کې په "پښتون قامي جرګه" کې هم ګډون کړی وو. افضل خاموش وايي، په موجوده حالاتو کې د جرګو ارزښت ډېر زيات دی او باید د پښتنو ټول مشران خپلمنځې اختلافات ختم کړي او د ورپېښو ستونزو د حل لپاره متحد شي. نوموړی زياتوي، مشرانو ته پکار ده چې ځوانانو ته زياته پاملرنه وکړي. د خپرونې کوربه ګل اياز دی.
