تاجکستان ۱۱ قرقيزستاني بنديان خوشې کړل
د خوشې شویو له ډلې حیدربیک خیدروف د ازادې اروپا/ ازادۍ راډیو ته وویل، هغه او لس نور ملګري یې چې د یوه کال په اوږدو کې د تاجکستان سرحدي ځواکونو نیولي وو، له بنده خلاص شوي دي.
د تاجکستان او قرغیزستان چارواکو تر اوسه په دې اړه څه نهدي ویلي.
د تېرې جون میاشتې په دریمه نېټه قرغیزي چاروکو ۱۱ تاجک اتباع له بنده خوشې کړل.
په مرکزي اسیا کې ډېرې سرحدي سیمې د پخواني شوروي اتحاد له پرځېدو وروسته په لانجمنو سیمو اوښتي دي.
قرغیزستان او تاجکستان ۹۷۰ کیلو متره ګډه پوله لري، خو نژدې نیمایي هغه یې تر اوسه مشخصه نه ده او وخت نا وخت په کې سرحدي نانندرۍ رامنځته کیږي.