پاریسن جرمن لوبډلې له رونالډو سره تړون رد کړ
د ورزشي رسنیو د راپورونو پر بنسټ رونالډو غواړي، چې له اوسنۍ منچسټر یونایټېد لوبډلې بېل شي، په همدې خاطر یې د خپل استازي له لارې له پاریسن جرمن لوبډلې سره اړیکه کړې وه چې له یادې لوبډلې سره یو ځای شي.
خو د پاریسن جرمن لوبډلې مسوولان وايي، د دوی په لوبډله کې د لیونل مېسي او نیمار په موجودېت کې د رونالډو لپاره ځای نه شته او نه هم په اوس وخت کې دوی دومره پیسې لري چې د فوټبال د نړۍ له دې مشهور لوبغاړي سره تړون وکړي.
بلخوا د منچسټر یونایټېد لوبډلې نوي مدیر اېریک ټېن هګ ویلي، که څه هم پوهېږي چې رونالډو غواړي له دې لوبډلې لاړ شي خو دوی هڅه کوي څو نوموړی وساتي او دوی د هغه لپاره ځانګړی پلان لري.