افغان ۲۰ کلنو فوټبال لوبډله د اسيا اتلولۍ په سياليو کې د ګډون لپاره چمتووالی نيسي
د افغانستان د فوټبال فدراسیون په خپل فېسبوک پاڼه لیکلي چې دغه چمتوالی په کابل کې د «احمدضیا عظیمي» تر نظر لاندي کېږي.
د دې ریاست د معلوماتو له مخې، د هېواد د ۲۰ کلنو فوټبال ملي لوبډله په G ګروپ کې له عمان، تایلند او فلپین سره لوبې لري چې دغه سیالۍ به د سپټمبر له ۱۰ تر ۱۸ مې پورې په عمان کې ترسره شي.
د یادونې ده، هغه لوبغاړي چې له ولایتونو دغې ملي لوبډلې ته پېژندل شوي، کابل کې د ۲۰ کلنو ملي لوبډلې تمریناتي کمپ ته بلل کېږي.