ننګرهار: د يو کور چت پرېوتو پېښه کې ۴ کسان مړه شوي او ۳ ژوبل دي
د باختر اژانس د خبر له مخې دغه پېښه بیګاه د ننګرهار سپین غر ولسوالۍ په مامند داونۍ سیمه کې په یوه کور کې د واده د مراسمو پر مهال شوې چې لامل يې ورښت او د کور د چت زوړوالی ښودل شوي.
په پېښه کې د یوې کورنۍ ۴ غړي مړه او ۳ نور ټپیان شوي دي.
څو ورځې وړاندې هم د تېزو بارانونو له کبله د سپین غر ولسوالۍ په ګډون د ننګرهار په یو شمېر نورو ولسوالیو کې سخت سېلابونه راوتلي وو چې د نورو ګڼو زیانونو ترڅنګ یې ۵ تنه وژلي او ۵ نور ټپیان کړي وو.