په داسې حال کې چې د شمالي وزیرستان په میرلي او میرامشا کې د هدفي وژنو ضد او د امنیت ټینګښت لپاره پرلتونه روان دي، انتظامي او امنیتي چارواکو د اګست پر لومړۍ نېټه هم د اتمانزیو د مشرانو له جرګې سره مذاکراتو ته دوام ورکړی. تر اوسه په خبرو کې خاص پرمختګ نه دی شوی خو انتظامي چارواکي وايي، له پرلتوالو سره یې ژمنه کړې چې د ضلعې امنیت لپاره اقدامات کوي. په میرلي کې لومړۍ ناسته د جولای پر ۱۴مه د دوو سیاستوالانو تر وژنې وروسته پیل شوه او څه د پاسه یوه نیمه اوونۍ وروسته احتجاج کوونکو په میرامشا کې هم پرلت پیل کړ. ویډیويي رپورټ.
