حکومت او تحریک طالبان ترمینځ د "ليکل شوي سند" په اړه د محمد علي سيف مرکه

د پاکستان حکومت او تحريک طالبان پاکستان (ټي ټي پي) ترمينځ د سولې د ممکنه تړون په اړه يو ليکل شوی سند مشال رېډيو ته په لاس ورغلی چې پکې دواړو خواوې د نګران، مصالحتي، د زیانونو پوره کولو او د قیديانو لپاره د څلورو کمېټيانو پر جوړولو سلا شوې دي. په سند کې ليکل شوي چې “ټي ټی پي به له افغانستانه پاکستان ته وراوښتونکو طالبانو نومونه له امنيتي ځواکونو سره شريکوي او هغوی به ورته اسانتياوې برابروي.” د پاکستان حکومت په رسمي توګه د دې سند تصديق نه کوي. زموږ همکار مجید بابر له طالبانو سره د پاکستان سیاسي او قبايلي مذاکراتي ډلې له مشر او د خيبر پښتونخوا د وزیراعلی سلاکار بيرسټر محمد علي سیف په مرکه کې د دې سند په اړه پوښتنه کړې ده؟