د ۴۰ میلیونه ډالرو یوه بله بسته کابل ته رسېدلې
د دغه بانک ویاند صابر مهمند ازادي راډيو ته په خپل پیغام کې د نورو جزئیاتو له ورکولو پرته وویل چې د افغانستان بانک د بانکي سکتور له لارې د دې مرستو د کارولو شفافیت ته ژمن دی.
تر دې مخکې هم د افغانستان بانک ته چې د طالبانو تر واک لاندې دی څو وارې نغدې پیسې ورکړل شوې دي.
ملګرو ملتونو تر دې وړاندې ویلي وو، چې افغانستان ته د نغدو پیسو لېږل په دغه هېواد کې د اقتصادي سقوط مخه نیولی شي.
په افغانستان کې د طالبانو د واکمنۍ له راتګ څه باندې یو کال تېر شو، خو د نړۍ هېڅ هېواد تر اوسه د طالبانو واکمني په رسمیت نه ده پېژندلې او دې چارې بانکي راکړه ورکړه او اقتصاد له زیان سره مخ کړی دی.