د ايران په پلازمېنه تهران کې په زرګونو ښځینه مینه والې د خپلې لوبډلې د لوبې کتلو لپاره سټېډيم ته ورغلي وې. په ايران کې د فټبال ليګ سياليو کتلو لپاره په لومړي وار مېرمنو ته اجازه ورکړل شوې. ګل اياز د رويټرز اژانس له ويډيو دا راپور جوړ کړی دی.
د وکیلانو نړیوالې ټولنې د یوه څېړنیز راپور په خپرولو طالبان او داعش ډله په افغانستان کې د شیعه مذهبه هزاره ګانو په نسل وژنې تورنه کړې، خو طالبانو تر اوسه په دې اړه نظر نه دی څرګند کړی. "د وکیلانو نړیوالې ټولنې" په دې وروستیو کې یو راپور خپور کړی چې په هغه کې په افغانستان کې د هزاره ګانو د وژنې ډېرې بېلګې یې بیان کړي دي. په دغه راپور کې د طالبانو حکومت او داعش ډله د هزاره ګانو په نسل وژنې تورنه شوې ده. د طالبانو حکومتي چارواکو په دې اړه د ازادي راډیو پوښتنو ته ځواب ونه وایه. دغه راپور چې ۸۳... Читать дальше...
په افغانستان کې د منځنیو ښوونځیو او لېسو د نجونو زده کوونکو پر تعلیم بندیز هغه موضوع ده چې د ملګروملتونو د سرمنشي انټونیو ګوټرش له تازه څرګندونو وروسته یوځل بیا مهمه شوه. طالبانو پر افغانستان له واکمنېدو وروسته په تېر یوه کال کې په دې برخه کې د افغانانو او د نړیوالو ټولنو او هېوادونو غوښتنې له پامه غورځولې دي. ګوټرش د جمعې په ورځ وویل چې د نجونو د ښوونځیو د تړلو زیان به ټول افغانستان ته ورسېږي. په دې اړه احمدتکل د ښځو د یووالي او پیوستون د اتحاد د غړې او د نجونو د تعلیم د حقونو د یوې فعالې نظر پوښتلی. Читать дальше...
نن په مسکو کې په زرګونو کسان په کتارونو کې ولاړ وو څو د پخواني شوروي اتحاد وروستي مشر میخایل ګورباچوف ته وروستی درناوی وړاندې کړي. میخایل ګورباچوف په شوروي اتحاد کې هغه سختو اصلاحاتو باني و چې د سړې جګړې له پای ته رسولو سره یې مرسته وکړه. نن په مسکو کې زرګونو کسانو د پخواني شوروي اتحاد وروستي رهبر میخایل ګورباچوف مړي ته درناوی وړاندې کړ. په دې مراسمو کې د روسیې د ولسمشر ویلادیمیر پوتین غیابت د پام وړ و، د څه په اړه چې کرملین ویلي د پوتین بوخت مهالوېش ددې سبب شو چې د ګورباچوف د تدفین په مراسمو کې ګډون ونه کړي. Читать дальше...
د طبیعي پېښو یو شمېر زیانمنې کورنۍ وایي، اړینو اسانتیاوو ته د نه لاسرسي له امله یې ماشومان او ښځینه په بېلابېلو ناروغیو اخته شوي دي. د لوګر ولایت د ځینو سېلاب ځپلو ولسوالیو اوسېدونکو ازادي راډیو ته وویل چې د دوی په سیمو کې تر سېلابونو وروسته ماشومان اوښځې په سینه بغل او کولرا ناروغیو اخته شوي دي. عتیق د لوګر ولایت د خوښۍ ولسوالۍ اوسېدونکی دی، هغه سیمه چې څو موده مخکې سېلابونو سخته وځپله او اوسېدونکو ته یې درنه مرګ ژوبله واوښته. عتیق وایي، د ده او اکثرو کلیوالو کورونه یې ویجاړ او د غره په سر خیمه کې ژوند کوي. Читать дальше...
یو شمېر ځوانان د اوسني رژیم په ادارو کې د ګمارنو په څرنګوالي نیوکه کوي. یو کس چې د امنیتي ستونزو له مله نه غواړي نوم یې راپور کې یاد شي وايي، د کابل پولیتخنیک پوهنتون کې له برښنا څانګې فارغ شوی او د طالبانو له بیا واکمنېدو راهیسې بېروزګاره شوی. دغه ځوان ادعا کوي چې دی او یو شمېر نور ځوانان هغه مهال چې په دولتي ادارو کې د کار لپاره طالبانو ته ورشي، ترې پوښتل کېږي چې تېر شل کلن جهاد کې یې ونډه لرلې او که نه. هغه وویل: "کله چې وزارتونه کوم بست اعلانوي، موږ د دندې اخستو لپاره ورځوو. هلته چې کوم... Читать дальше...
په داسې حال کې چې د ملګرو ملتونو سازمان په افغانستان کې د خپل ماموریت لپاره نوې استازې ټاکلې، خو یو شمېر پخواني افغان ډیپلوماتان د یوناما تېر یو کلن ماموریت په افغانستان کې ډېر موثر نه بولي. د ملګرو ملتونو سازمان سرمنشي انټوني ګوټرش په افغانستان کې د قرغزستان پخوانۍ ولسمشره روزا اوتونبایوا خپلې نوې استازې ټاکلې ده. دغه سازمان په یوې اعلامیه کې ویلي چې اغلې اوتونبایوا به د دیبورا لاینز پر ځای د ملګرو ملتونو عمومي منشي د ځانګړې استازې په توګه کار وکړي. د افغانستان لپاره د ملګرو ملتونو د سرمنشي... Читать дальше...
د سند صوبې په ټنډوجام کې یو پوهنتون په سیلابونو کې د ناروغه شویو څاروو درملنه کوي. د پوهنتون استادان وايي د وایس چانسلر پر لارښوونه یې د ځناورو د مفت علاج مرکز خلاص کړې چې ګڼ خلک ورته د څاروو سره را روان دي. د رویټرز خبري اژانس ویډیويي رپورټ کې تفصیل وګورۍ
د علي وزير وکيل قادر خان اېډوکېټ د سېپټمبر پر درېیمه مشال راډیو ته وویل چې پولیسو خپل رپورټ عدالت ته راوړی وو خو سرکاري څارنوال وویل چې دی به دا رپورټ لولي.
د نړۍ اوو سترو صنعتي هېوادونو پرېکړه کړې چې د روسیې د تېلو د وارداتو لپاره د وروستۍ بیې د ټاکلو په هدف اقدامات به سمدستي عملي کوي. د نړۍ اوو سترو صنعتي هېوادونو یا جي اوه ډله وايي، د روسیې د تېلو د وارداتو لپاره د یوې وروستۍ بیې د ټاکلو په اړه له اوږدو بحثونو وروسته پرېکړه وشوه چې په دې برخه کې د دوی اقدامات به سمدستي عملي کېږي. جي اوه ډلې پرون د جرمني په ایلماو ښار کې په خپله سرمشریزه کې ټینګار وکړ چې د دې اقداماتو هدف دا دی چې له یوې خوا روسیه په اوکراین کې د پوځي عملیاتو له مالي ملاتړ څخه... Читать дальше...
د امریکا دفاعي چارو ادارې (ډي او ډي) د سېپټمبر پر دویمه وویل چې مرکزي قومانده د دې معلومولو لپاره اسلام اباد ته د ارزونې یوه ډله استوي چې دفاع وزارت کومې ممکنه مرستې برابرولای شي.
د ملګرو ملتونو سرمنشي انټونیو ګوټریش وايي، په افغانستان کې د نجونو د ښوونځیو تړل، ټول هېواد ته زیان رسوي. روبینا د کندهار اوسېدونکې او د یوولسم ټولګې زدهکوونکې ده. روبینا ښوونځی خپلو هیلو ته د رسېدو یوازینۍ لار بولي، هغه لار چې له یوه کال زیات وشو، طالبانو په دې نوم تړلې چې ګنې د پرانیستو لپاره یې طرحه جوړوي. نوموړوې وویل: "زدهکړه زموږ اسلامي حق دی. موږ باید دا حق تر لاسه کړو. له طالبانو ورونو مو غوښتنه دا ده چې زموږ د ښوونځیو دروازې پرانېزي او زموږ د زدهکړو موضوع له سیاست سره و نه تړي څو... Читать дальше...
په دې احتجاجي تحریک کې عوامي نېشنل ګوند، پښتونخوا ملي عوامي ګوند، پښتون ژغورنې غوځنګ او نېشنل ډیموکرېټک موومنټ شامل دي.
په بلوچستان کې د سرکاري سکولونو د استادانو اتحادیې د اګست له دریمې د دې لپاره د نه خوړلو هړتال پیل کړی دی چې حکومت یې د ترقۍ او نورې غوښتنې ومني.
د خوړو نړیوال پروګرام خبرداری ورکړی چې په پاکستان کې د سېلابونو بهیر په ګاونډي افغانستان کې خلکو ته د خوړو د رسولو پر هڅو ناوړه اغېز کوي. د خوړو د نړیوال پروګرام د پاکستان د څانګې مشر کریس کايي پرون په ژنیو کې د ویډیو کنفرانس له لارې خبریالانو ته وویل، اوسمهال دوی نه یوازې په پاکستان او په مجموع کې د غذايي موادو د کمښت له کبله بلکې په افغانستان کې د مرستو د رسولو پر بهیر د دې چارې د ناوړه اغېز په خاطر هم اندېښنه لري. ښاغلي کایي زیاته کړه چې پاکستان افغانستان ته د مرستو د رسولو مهمه لاره ده او... Читать дальше...
د طالبانو د حکومت د رییس الوزرا مرستیال ملاعبدالغني برادر وايي، د ټاپي پروژې د رغونې چارې چې به ډېر ژر له هرات ولایت څخه پیل شي. د ریاست الوزرا د مرستیال له دفتر څخه د خپاره شوي بیان له مخې ښاغلي برادر پرون د وږي ۱۱مه په هرات ولایت کې له سوداګر او پانګوالو سره په کتنه کې ویلي دي چې د هرات اوسېدونکي به د ټاپي پروژې له لومړنیو امتیازاتو څخه ګټه واخلي. ټاپي پروژه د ترکمنستان ګاز د افغانستان له لارې پاکستان او هند ته لېږدوي. د طالبانو حکومت په غبرګولي میاشت کې هم ویلي و، چې د دې پروژې د رغونې چارې به ډېر ژر پیل شي. Читать дальше...
د افغانستان د کرکټ ملي لوبډله، د اسیایي جام د شل اوریزو لوبو په دوام نن ماښام د سریلانکا له لوبډلې سره د سیالۍ ډګر ته ننوځي. دا لوبه د کابل په وخت د ماښام په شپږنیمو بجو د شارجې د کرکټ په لوبغالي کې په پام کې ده. افغان لوبډله په تېرو دوو لوبو کې د بنګلدېش او سریلانکا د لوبډلو له ماتولو وروسته په څلورو غوره ټیمونو کې راغله. د افغانستان بله لوبه به د چارشنبې په ورځ د وږي ۱۶مه د پاکستان او په سبا به یې د وږي ۱۷مه د هند له ځواکمنې لوبډلې سره وي. د پاکستان لوبډلې بیګا د هانګ کانګ سیالې لوبډلې ته د ۱۵۵ منډو په توپیر ماتې ورکړه. Читать дальше...
د امریکا پوځ وايي چمتو دی چې په پاکستان کې له سېلاب ځپلو سره د نړیوالو د مرستې له پروګرام سره همکاري وکړي. د امریکا د دفاع وزارت پرون د سپټمبر ۲مه وویل، د پوځ د مرکزي قوماندې قرارګاه به اسلام آباد ته د ارزونې لپاره یوه ډله واستوي څو معلومه کړي چې پنټاګون دا مرستې له کومو لارو پاکستان ته رسولی شي. په پاکستان کې د ویجاړوونکو سېلابونو له کبله د حکومت د رسمي ارقامو له مخې له ۱۲۰۰ زیات کسان مړه شوي دي او د دې هېواد خلکو او دولت ته د میلیاردونو ډالرو زیان اوښتی.
ولسمشر جوبایډن د امریکا له کانګرس څخه غوښتي دي چې له اوکراین سره د ۱۱،۷ میلیارد ډالرو په ارزښت بېړنۍ مرسته تصویب کړي. په دې مرسته کې هغه ۴۰ میلیارد ډالر نه دي شامل چې متحدوایالتونو یې له اوکراین سره مخکې تر دې ژمنه کړې وه. سپینه ماڼۍ وايي چې په سلو کې پنځه اویا هغه مرستې چې په پوځي برخه او د مالي ملاتړ په برخه کې له اوکراین سره شوي دې هېواد ته ورکړل شوي دي. د راپورونو له مخې نوې مرستې به د نویو تجهیزاتو د پېرلو، د استخباراتي ملاتړ او د اوکراین د بودیجې په برخو کې ولګول شي. پر اوکراین د روسیې... Читать дальше...
ملګري ملتونه وايي چې د پاکستان روان سېلابونه په افغانستان کې د بشري مرستو د رسولو چاره له خنډ سره مخامخ کوي. د خوړو نړیوال پروګرام وايي چې په پاکستان کې د ویجاړوونکو سېلابونو بهیر په ګاونډي افغانستان کې خلکو ته د خوړو د رسولو پر هڅو ناوړه اغېز کوي. د ملګروملتونو دا اړونده ادارې وايي چې افغانستان ته بشري مرستې تر ډېره د پاکستان له لارې لېږدول کېږي، خو وايي چې دا بهیر د پاکستان د تاریخ د تر ټولو ورانوونکو سېلابونو له کبله له خنډ سره مخامخ شوی دی. د خوړو د نړیوال پروګرام د پاکستان د څانګې مشر... Читать дальше...
د بریتانیا د حکومت یوه وزیر له افغانستانه د بریتانیا د پوځ د افغان همکارانو د راایستلو په برخه کې د خپل حکومت د اقدامات دفاع کړې. په داسې حال کې چې د بریتانیا پر حکومت له افغانستانه د برتانوي ځواکونو د افغان همکارانو د رااېستلو په برخه کې انتقادونه په زیاتېدو دي، د بریتانیا د کابینې یوه غړي د خپل حکومت د هغو اقداماتو دفاع کړې چې له افغانستانه د نړیوالو ځواکونو تروتلو وروسته د زیانګالو افغانانو د خوندي کولو په برخه کې ترسره شوي دي. د اروپا په چارو کې د بریتانیا د دولت وزیر ګراهام ستیوارت له آزادۍ... Читать дальше...
د هرات ښار د ګازرګاه جامع جومات د خطیب مولوي مجیب الرحمان انصاري د وژلو مسئلې ته یو لړ نړیوالو چاپي خپرونو توجه کړې ده. مېل انلاین: انصاري د طالبانو پلوی و، مېل انلاین لیکي، انصاري د طالبانو له بیا واکمنۍ مخکې د طالبانو یو لړ سخت قوانین په هرات کې پلي کړي وو. مېل انلاین وړاندې د نیویارک ټایمز د یوه پخواني راپور په استناد لیکي چې په هغه کې په هرات کې د دې سختو قوانینو د پلي کېدو لپاره د انصاري د پلویانو ګزمې ته اشاره شوې ده. مېل انلاین بیا لیکي، انصاري چې سږکال د طالبانو د دښمانو د سرپرې کېدو غوښنه کړې وه، په یوه لویه چاودنه کې ووژل شو. Читать дальше...
په هرات ولایت کې د پرونۍ چاودنې په اړه چې شاوخوا ۲۰ کسان یې ووژل پراخ غبرګونونه څرګند شوي دي. د هرات ښار د ګازرګاه سیمې په جومات کې پرونۍ چاودنې چې مولوي مجیب الرحمان انصاري یې د قربانیانو په ډله کې و، په هېواد کې دننه او بهر پراخ غبرګونونه پارولي دي. د افغانستان لپاره د امریکا ځانګړي استازي ټام ویسټ پر ټوېټر په یو بیان کې د پېښې د قربانیانو له کورنیو او خپلوانو سره خواخوږي څرګنده کړې او له طالب چارواکو څخه یې غوښتي چې د دې حملې عاملان عدالت ته وسپاري. د طالبانو حکومت د دې برید د غندنې ترڅنګ... Читать дальше...