د استازیو جرګه د امریکايي پوځ ملاتړ لپاره پر وړاندیز شوې بودیجه رایه اچونه کوي
په دغه وړاندیز شوې بودیجه کې له اوکراین سره پر بېړنیو مرستو سربېره د امریکا ټولو فدرالي ادارو ته اجازه ورکوي چې د ۲۰۲۳ کال د سپټمبر تر ۳۰مې پورې یعنې د امریکا د مالي کال تر پایه خپلو فعالیتونو ته دوام ورکړي.
د وړاندیز شوې بودیجې دغه لایحه د امریکا سنا جرګې چې ډیموکراټان پرې کنټرول لري، پرون تصویب کړې وه.
دغه لایحه مخکې له دې چې قانوني بڼه خپله کړي، ولسمشر جوبایډن یې باید توشېح کړي.