روسيه کې يو محصل د ۶ تنو د وژلو په تور په عمري بند محکوم شو
دا پرېکړه پرون د پرم په سیمه کې محکمې اعلان کړه.
پخوانی محصل بکمانسوروف د یوه نارینه او پنځو ښځو د وژلو او د نهه پنځوس نورو د وژلو د قصد په تور، همدا راز د دې کسانو شتمنۍ ته د زیان رسولو او د یوه پولیس د وژلو د هڅې په تور مجرم وپېژندل شو.
بکمانسوروف پروسږکال د پرم په پوهنتون کې چې دی اتلس کلن و په دې خلکو ډزې وکړې.
ده خپل تور منلی دی خو علت یې نهدی روښانه شوی.