د افغانستان په ۱۵ ولایتونو کې د واورې او سخت باران اټکل شوی

په افغانستان کې د هوا پېژندنې ادارې په ۱۵ ولایتونو کې د واورې او سخت باران په اړه خبرداری ورکړی دی.


دې ادارې پرون جمعه په یوه اعلامیه کې ویلي چې شنبه او یکشنبه د واورې او باران د پېښېدو اټکل شوی.


په اعلامیه کې د پکتیکا، خوست، پکتیا، لوګر، میدان وردګ، غزني، بامیان، غور، دایکندي، ارزګان، زابل، کندهار، هلمند، فراه او بدخشان ولایتونو نومونه یاد شوي.


په دې سربېره په کابل او ځینو نورو ولایتونو کې دا څو ورځې پرله پسې سړه هوا چلېږي.