اوکرايني چارواکو د خيرسون لسګونه زره کسان له خپلو مېنو بېځايه کړي
کییف او مسکو د کاخوفکا د بند چې د شوروي په وخت کې د اوکراین د خیرسون په جنوبي سیمه کې جوړشوی و، د ویجاړولو پړه پر یو بل اچوي.
د اوکراین ولسمشر ولودمیر زیلینسکي دا پېښه د روسیې لهخوا په قصدي توګه د ویجاړۍ یو عمل او د ډلهییزې وژنې چاپېریالي بم یاد کړی دی.
زیلینسکې ویلي، د بند په لاندنۍ برخه کې شاوخوا اتیا مېشت ځایونه د دغه بند د نړېدو له امله له خطر سره مخ شوي دي.
چارواکو اټکل کړی چې په راتلونکو ۲۰ ساعتونو کې به د سیند په لاندنۍ برخه کې د اوبو کچه یو متر نوره هم لوړه شي.
د مسکو تر کنټرول لاندې د خیرسون د برخې چارواکو نن په سیمه کې بېړنی حالت اعلان کړی دی.