ټام وېست په سرپل کې د نجونو زده کوونکو پر مسمومېدو اندېښنه وښوده
وېسټ نن سهار وختي پر ټویټر ولیکل چې د دې پېښې د څېړنې لپاره باید هر راز لازم اقدام وشي، څو په نتیجه کې یې د ماشومانو خوندیتوب یقیني شي.
د وېسټ په وینا افغانان دا حق لري چې له وېرې پرته زدهکړې وکړي.
د افغان ښځو، نجونو او بشري حقونو په چارو کې د امریکا ځانګړې استازې رینا امیري هم په سرپل کې د شاوخوا اتیا نجونو زدهکوونکو د مسمومیت په اړه د اندېښنې د څرګندولو ترڅنګ ویلي و، چې د افغان ماشومانو د خوندیتوب لپاره باید لازم اقدامات وشي.
د یکشنبې په ورځ د سرپل د سانچارک ولسوالۍ په دوو ښوونځیو کې شاوخوا اتیا تنه زدهکوونکې مسمومې شوې.
د دې پېښې علت تر اوسه نهدی معلوم شوی.