انټوني بلېنکن عربستان ته رسېدلی
د انټوني بلېنکن د سفر هدف دا دی چې د واشنګټن او ریاض ترمنځ د ایران، سیمهيیزو امنیتي مسایلو او د تېلو د بیو پر سر له څو کلونو راهیسې ترینګلي شوي اړیکې بیا ورغوي.
بلېنکن به د ولیعهد محمد بن سلمان په ګډون چې د سعودي عربستان اصلي واکمن بلل کېږي د سعودي عربستان له چارواکو سره وګوري.
بلېنکن دویم امریکايي چارواکی دی چې په یوه میاشت کې سعودي عربستان ته سفر کوي.
له دې مخکې د سپینې ماڼۍ د ملي امنیت سلاکار جګ سولیوان د مې میاشتې په لومړیو کې دې هېواد ته سفر کړی و.
بلېنکن به سبا پنجشنبې خپل سفر پای ته ورسوي.