د افغانستان کرکټ ملي لوبډله بنګلهدېش ته رسېدلې
افغان کرکټ بورډ ویلي چې لوبډله یې نن شنبه د جون ۱۰مه یاد هېواد ته ورسېده.
ټاکل شوې چې افغانستان او بنګلهدېش د جون په ۱۴مه نېټه خپله یوازېنۍ ټېسټ سیالي پيل کړي چې د همدې میاشتې تر ۱۸مې نېټې به دوام وکړي.
افغان کرکټ ادارې د یو شمېر پخوانیو او ځوانو لوبغاړو په ګډون دې ټېسټ سیالۍ ته ۱۵کسیزه لوبډله اعلان کړې ده.
د ویلو ده چې دواړه هېوادونه به په جولای میاشت کې د یو ورځنیو او شل اوریزو سیالیو لوبلړۍ هم ولوبوي.