په ننګرهار کې د ګوزڼ پنځمه مثبته پېښه هم ثبت شوه

په افغانستان کې د ماشومانو د ملاتړ لپاره د ملګرو ملتونو د مرستندوی صندوق یا یونېسف یوې سرچینې د موضوع د حساسیت له کبله د نوم نه ښودلو په شرط نن یکشنبه ازادي راډیو ته وویل، دغه مثبته پېښه په دُر بابا ولسوالۍ کې ثبت شوې ده.


د سرچینې په وینا، د طالبانو حکومت په ننګرهار او کندهار کې د ګوزڼ د واکسین ورکولو د کمپاین مخه هم نیولې ده.


په پام کې وه په ننګرهار کې تېره دوشنبه د ګوزڼ ضد کمپاین عملي شي، دا چې طالبانو ولې د دې کمپاین مخه نیولې وضاحت نه‌دی ورکړل شوی.


مخکنۍ څلور مثبتې پېښې هم په ننګرهار کې ثبت شوې دي.


تېر کال په افغانستان کې د ګوزڼ د دوو مثبتو پېښو خبر ورکړل شوی و.