په ایران کې د شرابو څښلو له کبله لږترلږه ۱۲ کسان مړه او تر ۱۰۰ ډېر مسموم شوي

د ایران په البرز ولایت کې لږترلږه ۱۲ تنه په کورونو کې د جوړو شویو شرابو د څښلو له کبله مړه شوي او تر سلو ډېر نور مسموم شوي دي.


د دغه ولایت د پولیسو قوماندان حمید هداوند پرون وویل چې دغو کسانو صنعتي الکول له اوبو او ځینو نورو شیانو سره ګډ کړي او بیا څښلي وو.


ویل کېږي چې ممکن د قربانیانو شمېر تر دې ډېر وي ځکه چې ښايي ځینې مړي روغتون ته وړل شوي نه وي.