اوکرایني پوځ په ختیځ کې د یو لړ بریاوو ادعا کړې
د اوکراین د ستردرستیز دفتر نن په یو بیان کې وویل، د روسیې د عملیاتو تمرکز تر ډېره د لیمان، باخموت او مارینکا پر شاوخوا سیمو دی.
په دې سیمو کې درنې جګړې له ډېرې مودې راهیسې روانې دي.
کییف وايي، پوځیان یې د باخموت په شاوخوا کې پر روسي ځواکونو فشارونو ته دوام ورکوي.
په عین حال کې د اوکراین په جنوب کې د زاپوريژیا د اټومي بټۍ په شاوخوا کې د احتمالي جګړو د پېښېدو له کبله اندېښنې په زیاتېدو دي.
د اروپايي ټولنې مشرانو په سیمه کې د درنو جګړو د راپورونو له خپرېدو مخکې له اوکراین څخه د ملاتړ ډاډ ورکړی.
دوی په بروکسل کې د دوه ورځنۍ غونډې پرمهال ژمنه وکړه، چې له اوکراین څخه د دوی پوځي ملاتړ به د اړتیا تر وخته دوام وکړي.