د پاکستان مخکېني صدراعظم عمران خان له افغانستان طالبانو سره د پاکستاني طالبانو د تحریک یا ټي ټي پي پر اړیکو تازه خبرې کړي.
عمران خان د ازادي راډیو له مشال څانګې سره په ځانګړې مرکه کې وویل، د پاکستاني طالبانو تحریک یا ټي ټي پي باید د سولې د خبرو له لارې په ټولنه کې عادي ژوند ته راوبلل شي.
په دې مرکه کې چې نن خپره شوه، خان وايي، د پاکستان حکومت هغه مهال چې دی په واک کې و، د ټي ټي پي له جنګیالیو سره چې شمېر یې د ده په وینا، د کورنیو له غړو سره ۴۰ زرو ته رسېده دوه کارونه کولای شوای؛ یا به یې ټول وژل یا به یې عادي ژوند ته راوستل.
هغه وویل: "ګورئ، تر ټولو سم کار دا و، چې دا وسله وال په ټولنه کې ځای پرځای شي او عادي ژوند ته راستانه شي. دا کار په نوره نړۍ کې هم شوی. که د تروریزم پر ضد جګړه ختموئ نو باید دا کار د سولې له لارې وکړئ."
خان وايي، چې د ده حکومت دې هدف ته د رسېدو لپاره ځینې مقدماتي کارونه وکړل خو د ده په وینا، په اسلام آباد کې نوی حکومت د دې ربړې د حل لپاره وخت او لازم تفاهم نه لري.
نوموړي زیاته کړه: "موږ په ټولنه کې د دې وسله والو د ځای پرځای کولو لپاره بودیجه هم برابره کړې وه، خو زموږ حکومت وپرځول شو او اوس نوی حکومت نه د دې کار لپاره وخت لري او نه لازم تفاهم."
د پاکستان پخواني صدراعظم وویل چې پوځ د تحریک طالبان پاکستان پر ضد مبارزه هېره کړې او پر ځای یې خپلې ټولې هڅې پر دې متمرکزې کړې، چې د ده ګوند یعنې تحریک انصاف پاکستان له منځه یوسي.
د افغان طالبانو مشرانو د واک له نیولو وروسته لږترلږه دوه ځلې د پاکستاني طالبانو او اسلام آباد ترمنځ د سولې هڅه وکړه، خو نتیجه یې ورنه کړه او وروسته بیا په پاکستان کې د دې ډلې حملو زور واخست.
عمران خان په دې مرکه کې د پاکستان پر ځواکمن پوځ تور ولګاوه، چې له ده څخه د غچ اخیستنې کمپاین یې پیل کړی.
خان مخکې له دې هم ادعا کړې وه، چې پوځ له واکه د ده د لیرې کولو او د ده د وژنې لپاره دسیسې جوړې کړې دي.
عمران خان زیاته کړه، چې په پاکستان کې به رښتینې ډیموکراسي تر هغه مهاله ټینګه نه شي چې پوځ په سیاست کې لاسوهنې بندې نه کړي.
Соболенко, проигравшая Андреевой, потеряет 2-е место в рейтинге WTA по итогам «Ролан Гаррос», уступив его Гауфф
Экс-теннисист Ольховский: Рублев не успел набрать форму на "Ролан Гаррос"
«Янника Синнера очень рано сравнивать с Роджером Федерером» // Тренер мужской сборной России по теннису Игорь Куницын — о главных событиях Roland Garros
Андреева рассказала о своих планах на предстоящий матч с Соболенко во Франции
Игорь Бутман провёл мастер-класс для юных музыкантов на фестивале культуры ПМЭФ
«У него и так всё получится». Филипп Киркоров отказался поддерживать Даву в финале шоу «Сокровища императора»
Бурятский Театр кукол Ульгэр в Улан-Улан-Удэ показал в Этнографическом музее народов Забайкалья перед детьми и родителями в семейный праздник сказку Колобок - Новости и Культура, Дети и Россия
В Баку впервые прозвучит «Ленинградская» симфония Дмитрия Шостаковича
