په کراچۍ کې مېشت افغان کډوال وايي په دې وروستیو کې د هغوی ژوند ډېر اغېزمن شوی ځکه چې د قانوني اسنادو درلودلو باوجود یې پولیس نیسي. دوی وايي، له وېرې له کورونو نه شي راوتلی ځکه چې د پولیسو لخوا د نیول کېدو وېره ورسره مله ده. په کراچۍ کې د افغان کډوالو وکیله منیزه کاکړ وايي، په نیولو شویو افغان کډوالو کې اویا سلنه یې قانوني اسناد لري. بل پلو حکومت وايي، هغوی یوازې غیرقانوني کسان نیسي. نور تفصیل د اې اېف پي په دې ویډیويي راپور کې.
