ډاکټره سوېرا پرکاش وايي د سياست له لارې د ولس خدمت کول غواړي
نوموړې د هندو لږکیو د یوې کورنۍ غړې او د خیبر پښتونخوا د بونېر اوسېدونکې ده. هغه د پېشې له پلوه ډاکټره ده او وايي، د خلکو خدمت له دې لارې هم کولی شي خو ګڼي چې که په سیاست کې وځلېدله او د خلکو په رایو د خیبر پښتونخوا اسمبلۍ ته ورسېده نو په لویه پیمانه به له خلکو سره د مرستو کولو جوګه شي. نوموړې د بونیر په خلکو غږ کړی چې د هغې ملاتړ دې وکړي.
د مشال راډیو خبریال په بونېر کې د ډاکټرې پرکاش کور ته ورغلی او مرکه یې ورسره کړې ده.