په سوېټزرلینډ (سوېس) کې یو خیریه بنسټ د هوسیو د بچیو ژغورلو لپاره بې پیلوټه الوتکه یا ډرون کاروي. په هغه هېواد کې هوسۍ ازادې ګرځي او په پټیو کې بچي زېږوي چې اکثر د فصل رېبلو یا لوونو پر مهال تر ټرېکټر لاندې کېږي او وژل کېږي. خیریه بنسټ وايي چې په هغو پېښو کې هر کال د هوسیو شاوخوا ۲،۰۰۰ بچي وژل کېږي. همدا لامل دی چې هغه بنسټ په پټیو کې د هوسیو د بچیو لیدو او ژغورلو لپاره ډرون کاروي. کروندګر وايي د هوسیو بچیو په مرګ دردېږي. د رویټرز اژانس له ویډیو جوړ رپورټ.
