د ترکيې په سلجوق ښارګوټي کې د جنورۍ پر ۱۹ مه د اوښانو د کبډي مېله وشوه چې لیدلو ته یې زرګونه خلک ورغلي ول. د اوښانو مالکان وايي دا کبډي د شرطونو یا جوارۍ ګټلو لپاره نه بلکې د نوم ګټلو لپاره يې کوي. دوی وايي اوښان ورته د خپلو اولادونو په څېر ښکاري او هڅه کوي چې په کبډي کې هم یو بل ژوبل نه کړي. د ترکيې په ځینو نورو برخو کې هم د اوښانو د کبډي وړې وړې میلې کېږي خو په سلجوق ښارګوټي کې شوې دا مېله یې تر ټولو لویه ده چې پکې سږکال ۱۲۰ اوښانو برخه اخيستې وه. د فرانس پرېس اژانس له ویډیو جوړ راپور.
