د دې اونۍ د "هارون باچا هنري ګړۍ" خپرونې مېلمه په پېښور کې د سندرو يو پېژندلی ثبتوونکی او سندرغاړی وقاص خان دی. نوموړی خپله اډيو سټوډيو لري او وايي چې د سيمې نومياليو سندرغاړو ته يې پکې سندرې جوړې کړې دي. خان زياتوي چې له چارسدې څخه پېښور ته د دې لپاره کډه شوی وو چې سندرغاړی شي، خو رېکارډېسټ شو. د ده په خبره، په پېښور کې دا مهال ګڼې سټوډيوګانې دي چې سندرغاړي پکې د خپلو يوټيوب چینلونو لپاره سندرې جوړوي. د وقاص خان دا خبرې او ځينې سندرې يې په خپرونه کې اورېدای شئ.
