پښتونخوا ملي عوامي ګوند په بلوچستان کې د ناامنۍ او پښتنو ستونزو په اړه په کوټه کې درې ورځنۍ جرګه پیل کړې ده. دا جرګه د جنورۍ پر ۲۴مه پيل شوې، چې پکې د ګوند غړو، نورو سیاسي استازو، قومي مشرانو او دیني عالمانو ګډون کړی دی. له دې وړاندې دغه ګوند په لورالای، ږوب، سیوۍ، پښین او چمن کې هم جرګې ترسره کړې وې. د دې جرګې په پای کې به د وړاندیزونو پر اساس قراردادونه وړاندې شي. په دې جرګو کې د تعلیم، روغتیا، امنیت او د پاکستان او افغانستان ترمنځ د تجارتي اسانتیاوو غوښتنې شوې دي. ویډیویي راپور.
