په صوابۍ کې د ناامنۍ، نشهيي توکو او د بجلۍ لوړو نرخونو ضد احتجاج شوی
صوابۍ ایکشن کمېټۍ نن (د فبرورۍ پر دریمه) د امنیت خرابېدو، د نشهيي توکو د مخنیوي، او د بجلۍ د لوړو بیو پر ضد یو ځل بیا احتجاجي مظاهره وکړه. د مظاهرې ګډونوال وايي، چې په سیمه کې ناامني زیاته شوې او خلک د نشهيي توکو د پراخېدونکي کاروبار له امله اندېښمن دي. همداراز، دوی غوښتنه کوي، چې د سیمې خلکو ته دې برېښنا په مناسب او ارزانه نرخ ورکړل شي. د صوابۍ پولیسو ویلي، چې د ناامنۍ مخنیوي او د نشهيي توکو د کنټرول لپاره کوټلي اقدامات کوي، ترڅو د خلکو اندېښنې حل شي. ویډیویي رپورټ.
