کراچۍ مېشتي افغان کاروباریان وايي، له هغه وخت راهیسې چې پاکستان د کډوالو ایستل پیل کړي، خلک ورڅخه د لوی اختر لپاره د قربانۍ څاروي په ارزانو بیو د اخیستو غوښتنې کوي. دوی وايي، د افغانانو جبري ستنولو تر حکومتي اعلان مخکې یې څاروي اخیستي ول او نه شي کولای چې ژر یې خرڅ کړي. دوی وايي، سږ کال یې کاروبار زښت خراب شوی دی. د پاکستان حکومت د اپرېل له پیل راهیسې لسګونه زره افغانان هېواد ته لېږدولي دي او دا کار د ملي امنیت په ګټه بولي. لنډ ویډیويي راپور وګورئ.
