طالبانو له ازبکستاني شرکت سره د طوطي میدان د ګازو د کشف او استخراج تړون لاسلیک کړ
د طالبانو حکومت اعلان وکړ چې په جوزجان ولایت کې یې د طوطي میدان ګازو د کشف او استخراج عملي کار د ازبکستاني شرکت "اریل کام" په همکارۍ پیل کړی دی.
هغه پروژه چې د طالبانو د حکومت د چارواکو په خبره، کولای شي افغانستان د انرژۍ په برخه کې پر ځان بسیاینې ته نږدې کړي او د ګازو صادراتو ته لاره هواره کړي.
دا په داسې حال کې ده چې د اقتصادي چارو پوهان د دې پروژې د هرکلي ترڅنګ د تړون پر روڼتیا، د سیمه ییزو کارګرانو پر ګمارنې او د نړیوالو بندیزونو له امله د رامنځته شویو خنډونو په لرې کولو ټینګار کوي.