په افغانستان کې د طالبانو له خوا د انټرنیټ د بندیدو په وړاندې د نړیوالو غبرګونونو په ترڅ کې د افغانستان لپاره د بریتانیا ځانګړې استازي ریچارډ لینډسي په دې اړه جدي اندیښنه ښودلې. نوموړې د سې شنبې په ورځ په خپله ایکس پاڼه کې لیکلي، په افغانستان کې د انټرنیټ بندیدو او د نړیوالو الوتنو د لغوه کیدو راپورونو ته دی ډیر اندیښمن دی. د هغه په وینا دا به د افغانستان د وګړو لپاره جدي او زیان رسونکې پایلې ولري. هغه هم له طالبانو غوښتي چې په افغانستان کې مخابراتي خدمات بیرته پیل کړي.
