تیرا کې تر پوځي عملیاتو مخکې ګڼو کورنیو خپلې مېنې پرېښې دي

په خیبر پښتونخوا کې د طبیعي ناورینونو پر وړاندې د مبارزې اداره (پي ټي ډي اېم اې) وايي، د خیبر له تیرا څخه د خلکو د وتلو بهیر چټک شوی دی. د هغې ادارې چارواکو د جنورۍ پر ۱۰مه مشال راډيو ته وویل، د کډوالو د نوملیکنې لپاره یې په پیندي چینه کې مرکز پرانیستی دی. په مرکز کې موجودو کډوالو مشال راډيو ته وویل، د رجسټرېشن او د پېژندګلوۍ د تصدیق (ویريفیکېشن) بهیر ورو دی نو ځکه دې چارواکي هلته د کارکوونکو شمېر زیات کړي. دا په داسې حال کې ده چې د پاکستان پوځ د تیرا ټولو قومونو ته ویلي دي چې د جنورۍ له ۱۰مې څخه دې تر ۲۵مې پورې له سیمې وځي چې هلته د وسلوالو پرضد عملیات وکړي. چارواکي د عملیاتو له وجې د شاوخوا ۱۰۰،۰۰۰ وګړو د بې کوره کېدو اټکل کوي او وايي، له ټولو کورنیو سره مالي مرسته کوي. تفصیل په دې رپورټ کې.