په اسلام اباد کې د ستراتيژیکو مطالعاتو په مرکز کې د کتابتون مشر سید عابد حسین وايي، یو مهال به کتابتونونو ته ډېری خلک ورتلل خو اوس د خلکو پاملرنه کمه شوې ده. نوموړي د جنورۍ پر ۱۲مه مشال راډیو ته په یوه ځانګړې مرکه کې وویل چې د ټولنیزو رسنیو له راتګ، د ډيجيټل او پرلیکه (ان لاین) کتابتونونو له فعالېدو او د حکومت له کمې پاملرنې وروسته خلکو کتابتونونو ته ورتګ تر ډېره حده کم کړی دی. حسین وايي، حکومت اوس هم د کتابتونونو لپاره وخت په وخت فنډونه ورکوي خو که هغه پیسې پر ځای ولګول شي، ممکنه ده خلک یو ځل بیا کتابتونونو ته مخه وکړي. له سید عابد حسین سره بشپړه ويډيويي مرکه وګورئ.
