Дилшод: Дар пушти ман 8 миллион нафар буд
Шоми 20-уми август дар варзишгоҳи олимпии Рио, ба Дилшод Назаров, гурзандози маъруфи тоҷик медали тиллои бозиҳои олимпӣ супурда шуд. Радиои Озодӣ бо Дилшод Назаров сӯҳбати ихтисосӣ анҷом дод.
Шоми 20-уми август дар варзишгоҳи олимпии Рио, ба Дилшод Назаров, гурзандози маъруфи тоҷик медали тиллои бозиҳои олимпӣ супурда шуд. Радиои Озодӣ бо Дилшод Назаров сӯҳбати ихтисосӣ анҷом дод.
Мунтахаби Тоҷикистон дар феҳрасти кишварҳои ҷоизадори Олимпиадаи Рио бо як медали тилло дар ҷойи 54-ум қарор дорад.
Дилшод Назаров, гурзандози тоҷик, ки дар бозиҳои олимпии Рио де Жанейро медали тилло ба даст овард, дар сӯҳбати ихтисосӣ бо Радиои Озодӣ гуфт, ки нишони ӯ ба тамоми мардуми Тоҷикистон тааллуқ дорад. Нарзуллоҳи Латиф, хабарнигори Радиои Озодӣ баъди маросими ҷоизадиҳӣ бо Дилшод сӯҳбат кард.
Шоми шанбе тайи як маросим дар Варзишгоҳи олимпии Рио ба Дилшод Назаров, гурзандози маъруфи тоҷик медали тилло супурда шуд. Барои нахустин бор дар даврони истиқлолият як варзишгари тоҷик дар ҳайати дастаи мунтахаби олимпии Тоҷикистон сазовори медали тиллои Бозиҳои олимпӣ мешавад.